Në kohët e fundit po qarkullojnë lajmet në mediat italiane se Kristjan Asllani po fiton gjithmonë e më tepër pikët te Inzagi. Sipas tyre, mesfushori shqiptar ka fituar eksperiencën e mjaftueshme dhe tanimë mund të quhet “i pjekur”, për të shpalosur të gjitha vlerat e tij në fushën e blertë.
Por në Spanjë nuk i qëndrojnë të njëjtit mendim. Të paktën jo sipas “Eldesmarque” të cilët raportojnë se Asllani do t përdoret si “mall shkëmbimi” për të arritur te Thierry Correia i Valencias. Sipas medias në fjalë, Interi do të afrojë mbrojtësin që po kërkohet nga ekipet më të mira të Europës dhe do t’i japi Asllanin ekipit të La Liga, pasi nuk është në planet e Inzagit. /Sport Ekspres/