Serxho Kalaj luajti ndeshjen e tij të parë për këtë sezon me Frosinonen. Futbollisti shqiptar ishte në fushë për 66 minuta kundër Ternanës, ndaj së cilës bëri një paraqitje pozitive. Komplimenta vijnë edhe nga komentatori i “DAZN“-it, i cili vlerëson paraqitjen e zhvilluar nga Kalaj.
“Ai luajti 66 minuta, praktikisht aq sa kishte luajtur në të gjithë vitin e kaluar. Duartrokitje për Kalajn, një ndeshje e kujdesshme, e zellshme në të cilën ai ishte 100% i përqendruar. Kurrë nuk rrezikoi në të vërtetë”, ka thënë Riccardo Mancini./Halit Delibashi-Sport Ekspres/