Në vitin 2016 Manuel Locatelli do të shënonte emrin e tij në elitën e futbollit italian pas një goli të çmendur të shënuar ndaj Juventusit. 5 vjet më vonë, talenti italian transferohet tek bardhezinjtë ku do të provojë të kthehet në një kampion, në një skuadër me yje si Ronaldo, Dybala e Morata. Gjatë prezantimit, Locatelli u shpreh se të veshës fanellën e Juventusit është një ëndërr për të.
“Transferimi tek Juventus është një ëndërr e bërë realitet. Është ëndrra e një fëmije që punon fort, që ka dhënë gjithçka në fushë. Unë vij tek Juve me dëshirën të bëj gjithçka në fushë për tifozët dhe mezi pres të hyj në stadium. Le të fillojmë!”- deklaroi Locatelli për mediat./Elio Hajdari-Sport Ekspres/