Kukësi nis sot udhëtimin drejt Azerbajxhanit. Skuadra verilindore ka marrë vizat dhe grupi prej 20 lojtarësh bashkë me stafin teknik do të lënë aeroportin “Nënë Tereza” në orën 20:55. Në këtë orë është caktuar dhe nisja e skuadrës verilindore.
Presidenti Safet Gjici motivoi si duhet ekipin e tij para nisjes, pasi lojtarët mbushën xhepat. Barazimi me Karabakun u shpërblye, ndërsa në rast fitoreje, skuadra verilindore do të përfitojë dhe më shumë, pasi numri një i klubit ka akorduar një premio tjetër.
Kukësi barazoi 0-0 në ndeshjen e parë në stadiumin “Loro Boriçi”, ndërsa nuk përjashtohet mundësia e një mrekullie në Azerbajxhan, pasi as skuadra azere nuk u shfaq aq e frikshme në takimin e parë. Megjithatë, diferencat në skuadra janë të frikshme.