Mbaje Niang nuk e ka mirëpritur largimin e tij nga Milani. Ai, siç duket, ka qenë i mendimit për të mos u shitur te Torinoja.
“Isha ende fëmijë kur pesë vite më parë mbërrita në Milano për herë të parë. Të luaja kuqezi ka qenë dhe gjithmonë do të jetë diçka e veçantë. Goli në Kupën e Italisë, Seria A, treshja e kreshtave, shtylla e Barcelonës, vitet e Champions League dhe ato zhgënjyes… Por sot ka ardhur momenti që të shkëputem nga kjo botë. Nga Milani. Ka shumë arsye, ka shumë për të thënë, por sot dua të them vetëm faleminderit për atë që më keni dhënë, për sa më keni dhënë. Për gjithçka”, ka shkruar sulmuesi në llogarinë e tij në Instagram.