Ngriti Milanin në podiumin e Serisë A, Pioli hyn në librin e historisë së kuqezinjve dhe lë prapa Sakin dhe Ançelotin

0

Stefano Pioli mori drejtimin e Milanit më 9 tetor 2019, duke e ngritur përsëri në podiumin e futbollit italian. Kuqezinjtë nën drejtimin e tij janë duke lu.ftuar për titullin kampion, si dhe u rikthyen përsëri në Ligën e Kampionëve. Dora e trajnerit italian është ndjerë dukshëm në Milano dhe këtë e tregon vetë loja dhe rezultatet.

Pioli tashmë ka shkruar emrin e tij me gërma të arta në historinë e klubit të Milanit. Me një mesatare 1.96 pikësh të grumbulluara për ndeshje, ai renditet i dyti në listën e trajnerëve të “djallit“. Më shumë se ai ka bërë vetëm Kapelo, i cili ka një mesatare 2.02 pikë për ndeshje. Ndërkohë, Pioli ka lënë pas emra të mëdhenj dhe që kanë shkruar historinë e Milanit, si Arrigo Sakin, Ançelonit, Alegrin dhe Rokon./Halit Delibashi-Sport Ekspres/

Lista e trajnerëve me mesataren më të lartë të pikëve për ndeshje te Milani:

  1. Fabio Kapelo 2.02 pikë për ndeshje
  2. Stefano Pioli 1.96 pikë për ndeshje
  3. Arrigo Saki 1.95 pikë për ndeshje
  4. Nereo Roko 1.95 pikë për ndeshje
  5. Karlo Ançeloti 1.84 pikë për ndeshje
  6. Masimiliano Alegri 1.81 pikë për ndeshje
You might also like
Leave A Reply

Your email address will not be published.