Iris Selimi brenda një periudhe të shkurtër ka bërë ndryshime të mëdha në jetën e tij, sepse verën e shkuar ndërmori një hap shumë të guximshëm, duke lënë Skënderbeun kampion, për të ndjekur Bledi Shkëmbin në aventurën e tij në Kosovë. Trajneri i Lirisë donte një përgatitës atletik të nivelit të lartë dhe më mirë se Selimi nuk mund të gjente. Profesionist, thuajse në një moshë dhe mik nga vitet së bashku në Korçë, Selimi vendosi t’i thoshte “po” ftesës së Shkëmbit.
Ndërkaq, Selimi tashmë ka edhe një arsye për të qenë krenar, sepse ka marrë licencën e përgatitësit atletik në Koverçano, në qendrën e famshme të përgatitjes së trajnerëve në Itali
Selimi ishte i pajisur me licencë shqiptare, por tashmë bëhet i pari me licencë ndërkombëtare, ndërkohë që punon edhe si lektor në shkollën e trajnerëve në Tiranë.
