Çështja e ndeshjes mes Bylisit dhe Tiranës vazhdon që të hetohet nga Komisioni i Etikës. Disa ditë më parë ishin zyrtarët e ballshiotëve ata që kanë mbërritur për të dhënë versionin e tyre, ku mori pjesë presidenti Kapllanaj dhe trajneri Dovedan.
Ndërkohë në ditën e sotme ishte radha e Tirana për të dërguar përfaqësuesit para Komisionit të Etikës. Presidenti i ekipit të bardhebluve, Refik Halili, kapiteni Karabeci, portieri Ilion Lika dhe drejtori sportiv Arbi Laçi janë paraqitur në këtë mbledhje për të dhënë shpjegimet e tyre.
UEFA ka dërguar një dosje voluminoze që e shton rrezikun e të dy skuadrave teksa janë nxjerrë të plota edhe raportet mbi vendosjen në baste të këtij takimi që në total solli një fitim prej 500.000 eurosh. /Sport Ekspres/
(Fotot e marra nga Top Channel)
