Nga fusha e blertë për të synuar karriken e deputetit, Gent Muça dhe Andi Lila zyrtarizohen në listën e PD-së

0

Gentian Muça dhe Andi Lila kanë marrë një vendim jo të zakontë për të ardhmen e tyre. Një karrierë e suksesshme në futboll tashmë i lë vendin… politikës. Nëse shumica e futbollistëve lënë fushën e blertë për t’u ulur më pas në stolin e trajnerit, dy lojtarët shqiptarë synojnë të ulen në karriken e Parlamentit të Republikës së Shqipërisë.

Pavarësisht se ende nuk i kanë dhënë fund futbollit të luajtur, Gentian Muça dhe Andi Lila janë zyrtarizuar në listën e PD-së për deputet në zgjedhjet e ardhshme që do të mbahen në datën 25 prill. Popullariteti nuk i mungon as njërit e as tjetrit, megjithëse mbetet për t’u parë nëse mbështetja e tifozerisë do të përkthehet edhe në mbështetje elektorale falë votës./Halit Delibashi-Sport Ekspres/

You might also like

Leave A Reply

Your email address will not be published.