Kapiteni 22 vjeçar i Lyonit, Aouar është përfolur për një transferim tek gjigandët e Anglisë, Manchester CIty. Këtë e ka pranuar vetë drejtori sportiv i klubit francez, Juninho, i cili pranoi se ka kontaktuar me trajnerin spanjoll Guardiola dhe ky i fundit i ka konfirmuar se është mjaft i interesuar për ta sjellë mesfushorin algjerian në “Etihad Stadium”.
Një tratativë e tillë nuk do të ishte aspak e letë, pasi portali i dedikuar për transferimet “Transfermarkt” e vlerëson kartonin e tij me një shifër prej 50 milionë euro. Duke njohur dhe problemin e Manchester City me FAIR PLAY-n financiar, klubi nën pronësi të sheikëvë do t’i duhet të shesë një lojtar me një vlerë të njëjtë. Me këtë transferim, Lyoni do të hidhej menjëherë në sulm për “bomberin” Lacazzete, cili luan për Arsenalin./Elio Hajdari-Sport Ekspres/