Kristiano Ronaldo ka shpërfillur zërat që lidhin Nejmarin me Realin e Madridit, duke thënë se në verë të gjithë yjet e futbollit lidhen me Realin e Madridit, por në fund shumë pak transferohen në Madrid.
“Në Madrid flitet gjithnjë për merkato. Kam 8 vite te Reali dhe çdo verë 50 lojtarë janë pranë transferimit te Reali dhe në fund nuk vjen askush. Në shtator thuhet se do kenë ardhur shumë lojtarë, por në fund finalet i arrijnë gjithnjë të njëjtët lojtarë”, deklaroi portugezi në një intervistë lëshuar emisionit El Chiringuito de Jugones.
Nejmari luan prej një viti te PSG, ku shkoi për 222 milionë euro, ndaj Reali duhet të paguajë më shumë se kaq për t’ia rrëmbyer PSG-së, që gjithsesi nuk dëshiron ta shesë brazilianin, por ka kohë që flitet se vetë sulmuesi kërkon kthimin në Spanjë.