Kontrata e Nejmarit është khtyer në një çështje të rëndësishme për PSG-në. Një rikthim te Barcelona është përfolur shpesh nëpër media, shtyrë kjo edhe nga fakti se ylli brazilian refuzonte të zgjaste bashkëpunimin e tij me gjigantët francezë. Por 28-vjeçari duket se tashmë e ka bërë zgjedhjen e tij.
E ardhmja do e gjejë Nejmarin përsëri në Paris. Sipas “RMC Sport“, sulmuesi brazilian ka gjetur marrëveshjen me klubin dhe është gati të hedhë firmën e tij në një kontratë të re 4-vjeçare. Detaje të tjera rreth këtij akordi nuk janë bërë publike, ndërsa mësohet se gjithçka do të zyrtarizohet gjatë kësaj jave./Halit Delibashi-Sport Ekspres/