Tifozët e Partizanit do të jenë të pranishëm në stadium sa i përket sfidës së kthimit me Bazelin. Kjo ndeshje është e vlefshme për turin e dytë në “Conference League”, megjithëse është mësuar edhe fati i ekipit që do të kalojë më tej pasi zviceranët fituan në shifrat 3-0 në takimin e parë, pa lënë mundësinë e diskutimit të kualifikimit.
Por kjo nuk do të thotë se tifozët do të braktisin Partizanin. Ata do të jenë sërish aty për të qenë në mbështetje të skuadrës, pavarësisht se në fushë do të ndodhen edhe dy lojtarë të tjerë shqiptarë si Taulant Xhaka dhe Edon Zhegrova. Këta të fundit janë të ndërgjegjshëm se për 90 minuta janë kundërshtarë në tokën shqiptare. /Sport Ekspres/