Një gazetar grek që punonte në televizionin “ERT” është shkarkuar menjëherë nga detyra pas komentimit të ndeshjes mes Panagiotis Gionis dhe përfaqësuesit të Koresë së Jugut, Jeoung Young-Sik. Përballja po zhvillohej në një tavolinë tenisi, ndërsa koreani arriti të mundte lojtarin grek me shifrat 4:3. Tërësisht për t’u harruar ishin fjalët e gazetarit grek Dimosthenis Karmiris që zgjodhi të tallej me koreanin.
“Unë nuk e kuptoj. Si arrin një korean që të shoh topin që shkon në drejtime të ndryshme se kanë sy shumë të vegjël”. Këto fjalë nuk kanë kaluar pa vëmendje dhe menjëherë ka ardhur njoftimi i televizionit mbi shkarkimin nga puna të Karmiris. /Sport Ekspres/