Carlo Ancelotti konsiderohet si trajneri më i suksesshëm në histori pasi ishte i vetmi që arriti të fitojë katër herë Champions League, dy herë me Milanin dhe dy herë me Real Madridin. Aktualisht Ancelotti është ulur në stolin e madrilenëve, ku po bën një punë të shkëlqyer, pasi sezonin e kaluar ka fituar La Ligën dhe Champions League.
Mbretërit po bëjnë mirë në të dy frontet edhe këtë sezon, pavarësisht nga kalendari i ngjeshur i ndeshjeve. Ndonëse përballjet luhen praktikisht çdo tre ditë, kjo nuk është shumë e dukshme në rezultatet e Los Blancos.
Reali do të luajë kundër Getafes të shtunën, ndërsa para ndeshjes gazetarët janë interesuar për gjendjen e skuadrës dhe nëse ka lojtarë të lodhur. Gazetarët e pyetën Ancelottin nëse disa nga lojtarët mund të tërhiqen dhe të kursejnë forcat e tyre për Botërorin, e cila është një muaj larg.
“Nuk mendoj se kjo do të ndodhë. Në 30 vitet e karrierës sime, këtë gjë ma kanë kërkuar vetëm dy lojtarë. Pepe në finalen e Champions League dhe Seedorf në Serinë A”, u shpreh Ancelotti sa i përket lodhjes së lojtarëve. /Sport Ekspres/