Ndeshja me Sasuolon lë gjurmë të thella te Napoli, Gatuzo dëbon lojtarin nga stërvitja

0

Situata nuk është aspak e qetë te Napoli. Pozita e Xhenaro Gatuzos në krye të pankinës është lëkundur shpesh herë përgjatë sezonit, ndërsa ai barazim në ekstreme me Sasuolon ishte një goditje e madhe që po nxjerr edhe më shumë në pah problemet brenda grupit. Ndeshja e fundit ka lënë gjurmë të thella te të kaltrit, që sot janë rikthyer përsëri në stërvitje për të përgatitur përballjen e radhës.

Por përkushtimi në fushë nuk ka qenë maksimal për të gjithë. Gatuzos nuk i ka pëlqyer aspak qendrimi i Mario Ruit, duke e dëbuar këtë të fundit nga seanca stërvitore. Serioziteti duket se mungon në kampin napoletan dhe kjo ndoshta është edhe arsyeja e luhatjes së madhe të rezultateve në fushën e lojës./Halit Delibashi-Sport Ekspres/

You might also like

Leave A Reply

Your email address will not be published.