Ilir Daja arriti që të shpallej kampion për herë të dytë radhazi te Ballkani. Këta të fundit kanë shijuar një tjetër sukses, ndërsa presidenti i ekipit, Arsim Kabashi, fërkon duart. I ftuar në “Supersport”, Kabashi ka treguar vlerësimin e madh që ka për Ilir Dajën.
“Për pesë vjet, që kur e kemi marrë ne drejtimin, dy herë kemi qenë nënkampionë dhe dy herë të tjera kampionë. Na u desh të merrnim një trajner nga Shqipëria për t’ia dalë. Daja ka bërë një punë të mrekullueshme, shpresojmë të qëndrojë për shumë vite.
Trajnerëve puna u matët me rezultate. Ka bërë punë të mrekullueshme, me shumë profesionalizëm. Rezultatet e mbajnë te ne. Për vitin e dytë radhazi i arritëm objektivat. Të shohim si do të shkojnë gjërat në vitin e tretë”, tha Kabashi. /Elio Hajdari-Sport Ekspres/