Garbinje Mugurusa ka triumfuar sot në finalen e madhe të turneut të Uimbëlldonit në tenis për femra.
Spanjollja me origjinë nga Venezuela ka arritur të fitojë në finale përballë amerikanes Venus Uilliams, 2-0, 7-5 dhe 6-0, në një ndeshje që zgjati një orë e 16 minuta dhe që u dominua nga 23- vjeçarja e talentuar.
Një karrierë me motrat Uilliams në rrugën e saj, sepse në vitin 2015 mundej nga Serena Uilliams në turneun londinez, një vit më pas fitonte Grand Slamin e parë në karrierë pikërisht kundër Serenas në Paris dhe tani Mugurusa pushton edhe Londrën, duke mposhtur pastër motrën e madhe të Serenas.
Me këtë sukses, Mugurusa ngjitet në vendin e pestë në renditjen botërore të femrave.
Për Venusin një humbje e hidhur, që shuan ëndrrën në hapin e fundit, duke sfumuar një rekord, sepse do bëhej tenistja me moshë më të madhe që triumfon në një turne Grand Slam.