Reali i Madridit ka arritur që të fitojë derbin e kryeqytetit spanjoll kundër Atletico Madridit ditën e sotme. Los blancos morën tre pikët përpara tifozëve të tyre në “Santiago Bernabeu”, ndërsa autori i golit të vetëm të takimit ishte Karim Benzema.
Por rrjedha e lojës mund të kishte shkuar ndryshe, teksa Alvaro Morata u rrëzua në zonën kundërshtare pas një kontakti me Casemiron. Për arbitrin gjithçka ishte e rregullt, ndërsa as sistemi VAR nuk ndërhyri për të rishikuar gjithë episodin. Megjithatë, ish-gjyqtari spanjoll, Andujar Oliver duket se ka pasur një mendim tjetër për këtë çështje, duke deklaruar për “Marca”-n se mund të akordohej penallti.
“Pasi shohim përsëritjen e imazheve, mund të vërejmë krahun e Casemiro-s të ketë kontakt me sulmuesin e Atletico-s. Një episod që arbitri katalanas fare mirë mund ta quante si një penallti”, ka thënë Andujar Oliver./Sport Ekspres/
Bon… ?? https://t.co/qH352gFgXc
— Atlético France ?? (@AtletiFrance_) February 1, 2020