Flamurtari-Apolonia, miqësorja e parashikuar për t’u luajtur ditën e diel në Vlorë, do të spostohet në Fier. Gjithçka lidhet me gjendjen e fushës dhe punimet që kanë startuar në këtë impiant, por ka edhe një mundësi të vogël, që ndeshja të luhet në fushën stërvitore të Pyllit të Sodës. Duke parë që ndeshja e parë në shtëpi e kampionatit me shumë mundësi do të luhet në stadiumin e Fierit, edhe miqësorja me Apoloninë ditën e diel pritet të luhet pikërisht në këtë qytet. Do të jetë testi i fundit para ndeshjes së 8 shtatorit me Skënderbeun në Korçë.