Milinkoviç: Na duhej fitorja, kjo vlen më shumë

0

Trajneri i Kukësit Mlladen Milinkoviç, i gëzohet fitores në Laç, pa i kushtuar shumë rëndësi lojës, apo vuajtjeje ndaj një Laçi që mund të shënonte disa gola, me pak fat e saktësi.

“Deshëm të mbanim rezultatin e pastër, pa pësuar gol, si dhe të shënonim të paktën një herë. Nëse nuk pësojmë gol, është e sigurt që do shënojmë. Dëshironim t’i linim hapësirë kundërshtarit për ta goditur në kundërsulm, gjë që nuk e realizuam mirë, por morëm tre pikët dhe jemi të kënaqur.

“Hallaçi jashtë? Dëshiroja të hidhja në fushë një lojtar më të shpejtë, pasi në atë krah sulmonte Uzuni, shumë i shpejtë.

“Alla? Gaboi në ndeshjen e fundit dhe e lashë në stol pasi psikologjikisht nuk ishte mirë dhe mund ta gabonte sërish.

“Loja jo e mirë? Forma e skuadrës nuk ishte optimale, vinim nga disa ndeshje pa fitore dhe ishte një ndeshje derbi, ndaj sot na duheshin pikët, jo loja. I bëj komplimente ekipit për atë që dha në fushë.

“Qetësia në skuadër duket sikur mungon? Jam dakord, ndaj ditët e fundit jemi takuar dhe kemi kaluar kohë bashkë. Rezultatet e fundit nuk kanë qenë perfekte dhe presioni ka qenë i madh, është normale që një ekip që kërkon kreun të mos jetë i qetë.

“Dorëheqje pas Partizanit? Jo, nuk u futa fare në dhomat e zhveshjes dhe nuk kam dhënë ndonjë dorëheqje. Thashë që do flisja me presidentin dhe do vendosnim për të ardhmen. Kam eksperiencë të mjaftueshme për të përballuar situata të vështira”.

You might also like
Leave A Reply

Your email address will not be published.