Emrat e mëdhenj të futbollit italian i thonë lamtumirën Berlusconit dhe emocionues ka qenë edhe Fabio Capello. “Ai ishte një gjeni. Një njeri që solli shumë. Nuk duhet të harrojmë se çfarë bëri për futbollin. Ai ishte lloji i shefit që mund të dëshironit”, tha Capelo dhe më pas bëri një sugjerim interesant.
“Shumë stadiume sot mbajnë emrat e legjendave të tyre, siç është Santiago Bernabeu. Pse të mos ketë Italia një stadium Silvio Berlusconi? Në Milano apo Monza? Ne duhet të shikojmë t’i kthejmë të paktën kaq pak njeriut që ringjalli futbollin në Itali”, tha Capelo. /Elio Hajdari-Sport Ekspres/