Milani kualifikohet në “ruletën ruse” ndaj Torinos, në fazën tjetër pret derbin me Interin

0

Do të duheshin penalltitë që Milani të kualifikohej për në fazën çerekfinale të Kupës së Italisë ndaj Torinos. Ndryshe nga sfida e të shtunës ku kuqezinjtë e patën mjaft të lehtë për ta mposhtur Torinon, ditën e sotme skuadra e drejtuar nga Stefano Pioli gjeti një kundërshtar mjaft të vështirë dhe me mbrojtje mjaft solide.

Loja ishte mjaft e ashpër nga të dyja skuadrat, teksa 8 lojtarë u ndëshkuan me karton të verdhë. Gjithashtu pavarësisht se nuk luajti në këtë përballje, gardiani kuqezi, Ganluigi Donarumma u ndëshkua me kartonin e kuq për protestat ndaj arbitrit pasi pretendoi penallti për ndërhyrjen e portierit të Torinos ndaj Leaos.

Pas 120 minutave mjaft të luftuara, Milani arriti të mposhtë Torinon me anë të penalltive. Të gjithë lojtarët e kryesues së Serisë A arritën të shënonin 11-metërshin përkatës, ndërsa do të ishte mesfushori i Torinos, Rincon që do t’u dhuronte kualifikimin kuqezinjëve.

Topi i goditur prej tij është kuptuar nga Tatarushanu, ndërsa Calhanoglu nuk është hipnotizuar nga portieri i Torinos për të shënuar edhe penalltinë e fundit. Kundërshtari i Milanit do të jetë fituesi i sfidës Inter-Fiorentina dhe në rast të fitores së zikaltërve do të shijojmë dhe njëherë derbin Inter-Milan. /Sport Ekspres/

You might also like

Leave A Reply

Your email address will not be published.