E ardhmja e Robert Lewandowskit është një enigmë e madhe. Kontrata e polakut me bavarezët skadon në verën e vitit 2023 dhe duke qenë se ende nuk i është ofruar një e re, kanë nisur zërat se ai do të largohet nga klubi, gjë që për momentin duket shumë reale. Pasi hodhi poshtë ofertat nga PSG dhe Manchester United, janë intensifikuar zërat se polaku do të forcojë Barcelonën në verë dhe nuk duhet të jetë çudi që ne do ta shikojmë nën komandën e Xavi Hernandez nga sezoni i ardhshëm.
“Kicker” njoftoi dy ditë më parë se kampioni gjerman do të pranojë largimin e yllit të tij më të madh vetëm nëse klubi merr një ofertë prej të paktën 40 milionë eurosh. “Kicker” shtoi gjithashtu se vetë Leëandoëski duhet të harrojë rritjen e pagesës së kërkuar. Propozimi përfundimtar për kontratën e re përfshinte një ofertë prej 24 milionë eurosh, aq sa ai fiton aktualisht. Tani vjen një lajm edhe më i freskët dhe ka të bëjë me shkëmbimet e mundshme të lojtarëve kur bëhet fjalë për transferimin e Robert Leëandoëski në Camp Nou.
Pasi i është ofruar tashmë Bayern, Sergio Dest, të cilin bavarezët e refuzuan kategorikisht, duket se janë gati të bëjnë një përjashtim në Allianz Arena. Sipas Barca Universal, Bayern nuk do t’i thoshte “jo” Gavi, një fëmije të mrekullueshëm 17-vjeçar në radhët e Barcelonës. Megjithatë, Barcelona as që mendon ta heqë dorë, ndaj transferimi i Leëandoëskit do të jetë i mundur vetëm në këmbim të një shume parash. /Elio Hajdari-Sport Ekspres/