Flamurtari luajti ditën e djeshme një miqësore kundër AEK-ut U-20. Skuadra vlonjate fitoi me rezultatin 1-0 me gol të Mustës në pjesën e parë. Me interes për teknikun Ilir Daja ishte të shihte lojtarët e rinj dhe ata të provës.
Në provë me ekipin bregdetar, në Greqi, u bashkua sulmuesi 21-vjeçar Fanxho Kasambe. Ky i fundit vinte nga futbolli francez. Në takimin kundër 20-vjeçarëve grekë, ai u nxeh së bashku me Elton Kalenë, por nuk u aktivizua fare ashtu si braziliani.
“Sport Ekspres” mëson me burime të sigurta se francezi u largua nga kampi vlonjat. Ai la mbrëmjen e djeshme grumbullimin dhe u kthye në Francë. Daja është në kërkim të një sulmuesi tjetër për ekipin e tij.