Mes Ernest Muçit dhe trajnerit Vukoviç duket se është kthyer përsëri paqja. Kreu i pankinës ka vendosur t’i japë fund dënimit të sulmuesit shqiptar, i cili për disa ndeshje radhazi është lënë në shtëpi. Ish-lojtari i Tiranës ka hyrë në fushë në minutën e 73-të për të zëvendësuar Sokolovskin.
Megjithatë Muçi nuk ka mundur dot të lërë gjurmë në këtë sfidë. 21-vjeçari nuk arriti të shpëtonte Legian e Varshavës nga humbja 0-1 me Piast Glivicen. Kampionët në fuqi të Polonisë aktualisht gjenden në vendin e 11 me 36 pikë të grumbulluara./Halit Delibashi-Sport Ekspres/