Khabib Nurmagomedov vazhdon të ngacmojë publikun e gjerë me mendimet e tij dhe mënyrën sesi i sheh gjërat, ndryshe nga e zakonshmja. Tashmë pronar i organizatës së MMA ,”EFC”, rusi nga Dagestani ka hequr vajzat të cilat tregojnë numrin e raundit.
Zakonisht këto vajza ekspozonin edhe shumë nga trupi i tyre me mënyrën e veshjes, të cilat quhen të palejuara në Dagestan, vend musliman. “Vajzat e ringut janë gjëja më e pakuptimt që ka parë historia e MMA. Të gjithë që e kuptojnë këtë sport e dinë kur mbaron raundi dhe cili vjen pas tij.
E di që është historike, por historia na ka treguar që bën gabime. Gabimet e së shkuarës duhet të mënjanohen në mënyrë që të mos përsëriten në të ardhmen”- deklaroi Khabib Nurmagomedov gjatë intervistës. Të menjëhershme kanë qenë komentet e vajzave në mbarë botën, të cilat e cilësuan Khabibin si paragjykues dhe ofendues ndaj gjinisë së tyre. /Elio Hajdari-Sport Ekspres/