A do të jetë Arsene Ëenger pasardhësi i Shaland te Kosova? Një pyetje e ngritur në këtë moment cilësohet padyshim si një çmenduri. Trajneri i njohur gjerësisht në Europë ka kërkesa të mëdha dhe është thuajse e pamundur për vende të vogla që të arrijnë për ta bindur. Por pavarësisht kësaj, komentatori i njohur, Andin Lokaj, e thotë me siguri se zyrtarizimi ka shumë gjasa që të ndodhë.
Në artikullin e publikuar në “Periskopi” shkruhet se dëshira e ish-trajnerit të Arsenalit për të marrë Kosovën ka nisur që në përballjen Angli-Kosovë. Madje Wenger ruan kontaktet me presidentin e FFK-së, Agim Ademi, duke folur çdo ditë me të.
“A do të jetë Arsene Ëenger përzgjedhës i Kosovës? Takimi i Kryetarit të FFK-së Agim Ademit me ikonën botërore të futbollit në Katar gjatë Botërorit të klubeve lë të kuptojë se diçka serioze për futbollin tonë mund të ndodh në të ardhmen e afërt. Një ndër personalitetet më të shquara dhe më të mëdhenj në menaxhmentin e futbollit botëror me vite të tëra, njihet si një strateg që ka dëshirë të nisë projekt nga zeroja, me lojtarë të rinj dhe të talentuar. Ai e din që Kosova është destinacioni perfekt për të. Dhe e din që kemi ekip të fortë dhe nuk ka dyshim që do të krijonte skuadër edhe më serioze në skenën ndërkombëtare
Dhe takimi i Kryetarit të FFK-së Agim Ademi gjatë Botërorit të klubeve me francezin legjendar lë të kuptojë se diçka e madhe mund të ndodhë pas apo edhe gjatë ciklit kualifikues për Botërorin Katar 2022. Varësisht prej rezultateve që do të regjistrohen në ndeshjet e para. Ngase rezultatet janë ato që do të vlejnë tash e tutje për Federatën. E rezultatet nënkuptojnë kualifikimin në Botëror dhe evropian.
Mund t’ju duket e pamundur që ikona e futbollit botëror dhe pa dyshim një ndër menaxherët më famoz në dy dekadat e fundit , francezi Arsen Ëenger është në radarin e Kombëtarës tonë. Por gjërat janë më serioze se që mund të konkludojnë njerëzit pas leximit të këtyre rreshtave.
Ëenger rekord 6 herë fitues i trofeut më të vjetër në futboll, atij anglez FA Cup, kishte shfaqur interesim për Kombëtaren tonë që nga dueli Angli- Kosovë i zhvilluar në Southampton. Aty ai e pa që Kosova nuk i frikësohet asnjë Kombëtareje dhe kur kompletohet në formacion është e gatshme të përballet me fuqitë më të mëdha të futbollit botëror. Mund të paramendojmë sa më të fuqishëm do të kishim qenë nën menaxhmentin e Ëenger.
Ai njhet si idhtar dhe aplikues i futbollit ultra-ofenziv dhe atraktiv. Përvoja e këtij mjeshtri që punon në detaje për lojtarët tanë do të kishte qenë super-motiv për kualifikimet e ardhshme. Ëenger është person i cili ka dëshirë që të nisë aventurë të re dhe të punojë me lojtarë të rinj e jo me “yje”, egot e të cilëve nuk ka nerva të humbë kohë duke i kontrolluar. Ngase një sjellje e tillë eventuale e futbollistëve e vështireson punën për kualifikim në eventet më të mëdha për të cilat kemi aq shumë nevojë të reklamojmë shtetin.
Marrëdhëniet e numrit një të futbollit tonë me Ëenger janë aq të fuqishme sa që kontaktet janë në baza ditore. Dera e Ëenger për Federatën tonë të futbollit tanimë është e hapur dhe herët apo vonë misioni i pamundur për shumë skeptikë mund të kompletohet”, shkruhet në “Periskopi”. /Sport Ekspres/