Ballkani ka mposhtur Ludogoretsin në ndeshjen e parë kualifikuese në Champions League. Kampionët e Kosovës kanë fituar me rezultatin 2-0 ndaj bullgarëve, duie dominuar edhe me lojë. Ilir Daja ka folur për “SuperSport Kosova” pas ndeshjes. Trajneri i Ballkanit është ndjerë i lumtur me paraqitjen e lojtarëve të tij dhe me faktij se kanë qenë suoeriorë ndaj kampionëve të Bullgarisë.
“Urime Suhareka, urime Ballkani, urime Kosova. Kemi bërë një pjesë të parë perfekte, me sa mbaj mend skuadra kundërshtare nuk kishte asnjë shans. Kemi luajtur shumë mirë. Natyrshëm se me pesë ndërrimet ramë pak fizikisht, por këta djemë nuk dorëzohen kurrë, kanë një karakter të madh. Nuk është e paktë që në 70% të lojës të jesh mbi kundërshtarin”, ka deklaruar Ilir Daja./Halit Delibashi-Sport Ekspres/