“Më pëlqeu që ishim të duruar“, Shehi flet për mungesën e Seferit: Kur mungon njëri, tjetri merr skuadrën për dore

0

Tirana ka mposhtur Egnatian 2-0 mbrëmjen e sotme, duke e mbyllur me fitore javën e 20 të “Abissnet Superiores“. Bardheblutë kanë shënuar fillimisht me Xhixhën në minutën e 13 dhe më pas me Hotin në minutën e 79. Ndërkohë rrogozhinasit kanë zhvilluar 45 minutat e dyta të takimit me një lojtar më pak në fushën e lojës pas daljes me karton të kuq të Imerit. Pas përfundimit të ndeshjes, trajnerët kanë dhënë intervistat e tyre për emisionin “Gol pas Goli” në “Supersport”.

Shehi (Tirana): “Kundërshtari sot ishte i vështirë se mbrohej me shumë forca afër portës së vetë dhe duhet durim e të qarkullosh topin shpejt. E çuam ndeshjen aty ku e donim, pas golit gabuam duke i dhënë mundësi kundërshtarit. Më pëlqeu mentaliteti dhe kur kundërshtari ishte me 10 vetë duhej të ishim të duruar. Por, nuk e vumë rezultatin në diskutim dhe kjo më kënaq.

Vlerat e Taulantit dihen. Edhe vlerat e Hoxhallarit dihen. Pesha e tyre është e madhe, por më pëlqen që skuadra nuk varet nga individet. Kur mungon njëri, e merr tjetri skuadrën për dore. Kjo është për tu admiruar. De Silva është lojtari jonë kryesor. E ka pak të vështirë kur ekipi kundërshtar mbyllet në mbrojtje“.

Ramadani (Egnatia): “E dinim që përballë Tiranës edhe me futbollistë të barabartë do ta kishim shumë të vështirë të dilnim të pamposhtur. Nga një rast ose gjysmë rasti duhet të barazonim rezultatin. Normale që ar.ma jonë ishin edhe goditjet standarte. Imeri me atë karton të kuq, unë them do e bënte nëse do të ishte një 18-vjeçar. Duhet ta marrim seriozisht këtë rast dhe nuk do të kalojë pa u ndëshkuar. Jemi në një vend, si ne, si Skënderbeu, si Dinamo. Meqë ata nuk arritën të merrin pikë, për ne një pikë do të ishte shumë e vlefshme përballë Tiranës. Kjo humbje ndaj Tiranës nuk na mërzit fare. Dy javët e ardhshme na presin dy finale të mëdha”./Halit Delibashi-Sport Ekspres/

You might also like
Leave A Reply

Your email address will not be published.