Naim Dani është i ftuar në studion e emisionit “Ora Sport“ në “Ora TV“. Shefi i sigurisë së stadiumeve tregon ekipin që e ka surprizuar këtë sezon në “Abissnet Superiore“, i cili është Kastrioti. Sipas tij, nëse krutanët do të kishin të njëjtën formë edhe në dy fazat e para, atëherë sot do të ishte kampion.
“Të garantoj që asnjë ndeshje nuk e kam parë. Sepse mua më kap tensioni i ndeshjes. Më ka bërë përshtypje Kastrioti. Një fazë e tretë dhe e katërt super. Po të kishte luajtur kështu edhe fazën e parë dhe të dytë, sot do ishin kampion. Unë jam tifoz i trajnerëve të rinj shqiptarë. Më pëlqen trajneri i ri i Krujës. Është entuziast dhe mendon se është akoma lojtar në fushë“, ka thënë Naim Dani./Halit Delibashi-Sport Ekspres/