Përgatitjet kanë përfunduar dhe tani Roma është gati të vërë në punë filozofinë e Murinjos. Trajneri portugez ka folur gjatë për mediat, ku gjithashtu ka prekur edhe momentet e pakëndshme të ndodhura gjatë miqësoreve. Takimi kundër Real Betis nuk përfundoi mirë dhe disa pjesëtarë të Romës, përfshirë edhe teknikun portugez, u ndëshkuan me karton të kuq nga gjyqtari. Murinjo thekson se kjo ishte një histori ku ka dy përgjegjës kryesorë, arbitrin dhe veten e tij.
“Më pëlqeu shumë ajo zënkë e vogël kundër Portos, për sa i përket kontrollit të emocioneve, asgjë e veçantë nuk mund të kalonte nga e verdha në të kuqe, ishte thjesht një ndeshje shumë e mirë nga pikëpamja e konkurrencës. Betis është një histori tjetër, është një histori mendoj, që ka kaq shumë përgjegjës për mënyrën se si përfundoi loja.
Sipas mendimit tim, përgjegjësi i parë është gjyqtari dhe përgjegjësi i dytë jam unë, sepse nuk mund të jem unë për të provokuar atë që ndodhi më pas, sepse ekipi më ndoqi në reagimin tim emocional dhe përfunduam me tre ose katër kartonë të kuq. E përsëris: përgjegjësia ime. Por unë gjithashtu do të doja që gjyqtari të kthehej në shtëpi dhe të mendonte “Kam luajtur një miqësore të mirë, një lojë që ishte e mirë, çfarë bëri bëra që të përfundoj kështu?”, ka deklaruar Murinjo./Halit Delibashi-Sport Ekspres/