Shqipëria U19 ka marrë një fitore bindëse me shifrat 3-1 kundër Malit të Zi ditën e sotme. Por përveç lojës, ekipi kombëtar ka fituar një tjetër talent. Bëhet fjalë për Medon Berishën, i cili kundër malazezëve bën debutimin e tij me kuqezinjtë.
Sulmuesi 17-vjeçar është pjesë e Young Boys U21, me të cilët luan në ligën e tretë zvicerane dhe ka shënuar 1 gol e ka dhuruar një asist në 7 ndeshje. Berisha la vendosur të dëgjojë zemrën e të zgjedhje Shqipërinë në arenën ndërkombëtare, duke lënë kështu Zvicrën e duke i thënë “jo” Kosovës.
“Me Kombëtaren shqiptare përfaqësoj gjithë shqiptarët”, ky ka qenë arsyetimi i Medon Berishës, që me fanellën kuqezi do të përfaqësojë gjithë bashkëkombasit e tij në Shqipëri, Kosovë apo edhe më gjerë në diasporë./Halit Delibashi-Sport Ekspres/