Andi Lila është i ftuar në panelin e emisionit “Kuq e Zi” në “Supersport“, ku ka komentuar ndeshjen e sotme që Shqipëria do të luajë kundër Hungarisë. Sipas ish-futbollistit shqiptar kuqezinjtë e kanë më të lehtë sot në Budapest sa sa tre ditë më vonë në Shqipëri kundër Polonisë. Lila ka besim se sot ekipi i drejtuar nga Reja mund të dalë me 3 pikë nga fusha, ndërsa për të prekur vendin e dytë duhet marrë maksimumi i mundshëm i pikëve në këto dy përballje të muajit tetor.
“Ai është trajneri dhe llogaritë i bën në mënyrën e tij. Me një llogari të thjeshtë, që të arrijmë vendin e dytë të cilin aq shumë e dëshirojmë, duhet të marrim 6 pikë. Ne mund ta kemi ndeshjen më të lehtë sot në Hungari se sa me Poloninë në Shqipëri. Mendoj që sot është e mundur që ne të marrim 3 piëkt dhe të ecim përpara, aty ku do e dëshironte çdo shqiptar“, ka thënë Andi Lila./Halit Delibashi-Sport Ekspres/