Elbasani nuk ka gabuar, asnjë surprizë. Edhe sot erdhi një fitore e lehtë 5-0 ndaj Maliqit dhe tashmë është mbyllur kampionati, me elbasanasit që fitojnë grupin B të Kategorisë së Dytë dhe kthehen në Kategorinë e Parë, me shpresën se do të kthehen në lartësinë e emrit që mbajnë mbi shpinë.
Ndërkaq, në Orikum luhej finalja e sezonit, me Orikumin që duhej të mos mundej nga Albpetroli për të shkuar në play-off. Në fund, triumf total i Orikumit, me golat e Xhelilit në pjesën e parë dhe Kongjinit e Livanajt në pjesën e dytë.
Në grupin A është qartësuar me kohë gjithçka: Vora kampione, Veleçiku do të luajë në play-off.
