Të gjithë presin shumë nga Ronaldo, edhe pse ky i fundit ende nuk e ka bërë sefte me golin e parë si bardhezi. Portugezi po e vuan këtë gjë, por shokët e skuadrës dhe opinioni për rreth tij kanë besim se shumë shpejt 33-vjeçari do të nisë të japë kontributin tij dhe në shënimin e golave.
Mesfushori francez Blaise Matuidi foli për edicionin e ri të “Zonjës së Vjetër” në “Gazzetta dello Sport”, por nuk mund të linte jashtë vëmendjes dhe një koment për CR7-ën: “Kemi objektiva shumë të rëndësishme këtë vit, ne duhet të përqendrohemi në fushë dhe në ndeshjen tonë.
“Ronaldo? CR7 ka diçka ndryshe, nuk duhet harruar që po flasim për dikë që ka marrë 5 herë Topin e Artë. Ne jemi të lumtur që e kemi në skuadër. Na ndihmon shumë me eksperiencën e tij. Ka fituar shumë në karrierën e tij., ka fituar disa herë Championsin dhe do na ndihmojë në momentet vendimtare të sezonit”.