Para tre muajsh bëri bujë në Itali lajmi se Komon e bleu bashkëshortja e mesfushorit të njohur ganez Majkëll Esien, për 237 mijë euro.
Premtoi se do ta ngjiste Komon në Serinë B, pagoi 210 mijë euro për pagat e marsit dhe prillit, prezantoi trajnerin Mark Juliano, por mbaroi me aq dhe tani gjithçka ka rezultuar një mashtrim i madh.
Pagat e majit dhe qershorit nuk po duken, afati i fundit ka qenë sot dhe Komo ditët e ardhshme do të detyrohet të regjistrohet në Serinë D, tek amatorët.
Në Serinë D regjistrimi kushton vetëm 50.000 euro, por pagat e prapambetura duhen paguar të gjitha, përndryshe do të kalohet në falimentim dhe klubi italian do të shuhet.