Ylli i Realit të Madridit, Marselo ka nënshkruar një kontratë të re me gjigantët spanjollë deri në vitin 2022.
Mbrojtësi i majtë ka firmosur një kontratë të re 5-vjeçare me klubin spanjoll. 29-vjeçari i madrilenëve luan për Realin që nga viti 2007. Lajmin për rinovimin e Marselos e ka bërë të ditur vetë klubi spanjoll më herët gjatë ditës.
Në komunikatën e klubit të Realit thuhet: “Reali i Madridit dhe Marselo kanë zgjatur kontratën e brazilianit me klubin deri në vitin 2022. Marselo do të dalë të enjten përpara medieve në stadiumin Santiago Bernabeu.”