Armando Sadiku luajti për 90 minuta me Luganon në takimin kundër Tunit, ndeshje kjo e vlefshme për çerekfinalen së Kupës së Zvicrës. Sulmuesi i kombëtares sonë nuk mundi të gjente rrugën e rrjetës në këtë sfidë ku skuadra e tij u mund me rezultatin 3 – 2.
Në çerekfinalen tjetër midis Zyrihut dhe Kriensit të divizionit të dytë, ka fituar skuadra e Superligës zvicerane me rezultatin 2 – 1. Për skuadrën e Zyrihut u aktivizuan katër shqiptarë: Mirlind dhe Hekuran Kryeziu, Toni Domgjoni dhe Benzhamin Kololli, ndërkohë Lavdim Zymberi qëndroi përgjatë të gjithë takimit në stolin e rezervave.
Tun 3 – 2 Lugano
Zyrih 2 – 1 Kriens