Europa League sjell një ndeshje mjaft të rëndësishme mes Napolit dhe Legias së Varshavës. Në stadiumin ku për vite me radhë Maradona ka ngritur peshë zemrat e tifozëve napoletanë e që tashmë mban emrin e tij, do të zbresë sot edhe Ernest Muçi.
Talenti shqiptar mban peshën e sulmit këtë mbrëmje, teksa trajneri polak ka vendosur ta hedhë nga minuta e parë në transfertën e vështirë me të kaltrit. Ky mund të jetë shansi i jetës për Muçin, i cili mund të tërheqë vëmendjen e klubeve të njohura nëse ia del të lërë gjurmë në fushën e lojës./Halit Delibashi-Sport Ekspres/
