Nesër luhet një ndeshje e rëndësishme në Bergamo, ku Atalanta pret Manchester United-in. Një fitore e dërgon secilin ekip një hap më pranë kualifikimit për në raundin pasardhës të Champions League-s. Solskjaer ka folur në konferencën e zakonshme për shtyp një ditë përpara përballjes, ku ka kërkuar kujdes për Atalantën, për të cilën ndan një vlerësim maksimal.
“Duhet edhe një fitore jashtë shtëpisë për të kaluar grupin. Do të jetë një ndeshje shumë e vështirë. Në ndeshjen e parë De Gea bëri dy pritje të jashtëzakonshme, duke shmangur një 3-1 të Atalantës. Atalanta ka një stil unik. Duket si një skuadër angleze. Ata mund të krijojnë probleme për çdo ekip tjetër, kujdes”, ka deklaruar Solskjaer./Halit Delibashi-Sport Ekspres/