Largimi i Kristiano Ronaldos ka dobësuar shumë Real Madridin, i këtij mendimi është dhe ish-lojtari i “galaktikëve”, Steve MkManaman. Ai mendon se trajneri i ri i spanjollëve Julen Lopetegui do të gjejë liderin e ri të madrilenëve. Ish-futbollisti i madrilenëve mendon se Bejl do të marrë përkrahje të madhe nga trajneri i ri.
“Skuadra ka humbur një nga lojtarët më të mirë në botë. Ata kanë nevojë për dikë tjetër, sigurisht kanë Bejl dhe Benzema, por kanë nevojë për afrime të tjera. Barcelona fitoi kampionatin sezonin e kaluar me shumë pikë diferencë. Ata janë më të fortë se viti i kaluar, ndërsa Reali më i dobët, pasi ka humbur Ronaldon.
“Mendoj se Julen Lopetegui do që Bejl të marrë rolin e liderit, atë që kishte Ronaldo. Do të jetë e vështirë, pasi portugezi kishte një mesatare thuajse një gol për çdo ndeshje, ndërsa uellsiani është një natyrë tjerë. Shumë dinamik, por mendoj se do të ketë një sezon fantastik”, – tha ai.