Trajneri i Spanjës, Hulien Lopetegui, për RTSH Sport, u shpreh: “Nuk ishte e lehtë, por shumë e vështirë. Shqipëria është skuadër shumë e mirë. Krijuan raste dhe kanë një trajner të mirë. Mendoj se sot merituam që të fitonim. Në 25 minuta luajtëm mjaft mirë dhe ai ishte sekreti”. Sakaq, trajneri i Spanjës shtoi se “Shqipëria pas minutës së 35-të nisi të luante mjaft mirë dhe, siç e thashë, krijoi disa raste të rrezikshme”. Sakaq, mbi sfidën e fundit, në Tel Aviv: “Kemi shkuar në Botëror, matematikisht. Do të shkojmë të luajmë në Izrael si gjithmonë, për kombin tonë dhe për tifozët”.