Albi Doka ishte mungesa e madhe për Tiranën në sfidën përballë Luftëtarit, për shkak të kartonëve të verdhë. Mbrojtësi i djathtë do të rikthehet në fushë përballë Skënderbeut, por Mema do të ketë një tjetër problem.
Erion Hoxhallari u ndëshkua me të verdhë përballë Luftëtarit dhe do të mungojë në sfidën e radhës përballë Skënderbeut. Por problemi më i madh për bardheblutë janë lojtarët që rrezikojnë derbin kryeqytetas.
Imami, Daja, Karabeci dhe Turtulli rrezikojnë derbin kundër Partizanit, për shkak se kanë nga tre kartonë të verdhë. Nëse këta lojtarë ndëshkohen në sfidën kundër Skënderbeut, do të jenë mungesa për trajnerin Mema në sfidën përballë kryesuesve.