Mbrëmja e djeshme ishte një vuajtje për skaudrën e Atalantas, që iu desh të nxorrte plot 5 herë topin nga rrjeta. Përballë kishin një nga klubet më të mira të Europës si Liverpuli i Jurgen Klop. Një duel i vështirë për Berat Gjimshitin që tregon për mediat italiane si ishte të luaje përballë “the reds“.
“Liverpool ishte shumë i fortë, por ne nuk e vështirësuam jetën e tyre. Nuk luajtëm mirë në të gjitha aspektet, me shumë gabime individuale. Kështu humbni ndaj ekipeve të tilla. Ne ishim gati dhe me energji, pastaj hymë në fushë dhe ndoshta kemi humbur një ekuilibër. Ne duhet të shohim përpara me forcë, nuk do të jetë e vështirë për ta bërë këtë. Do të shohim gabimet e bëra, të cilat gjithmonë ndihmojnë”, ka thënë Berat Gjimshiti./Halit Delibashi-Sport Ekspres/