Lionel Messi mund të largohet nga PSG vitin e ardhshëm. Argjentinasi deri më tani nuk ka arritur te tregojë të njëjtën formë që kishte tek Barcelona dhe ka zhgënjyer shumë adhurues të tij. Një nga legjendat e padiskutueshme të Barcelonës, Lobo Carrascos deklaroi se nëse PSG nuk arrin të fitojë Champions League, atëherë “pleshti” do të largohet në merkaton e verës.
“Nëse ai fiton, ai mund të qëndrojë edhe një vit. Por nëse PSG nuk fiton, Messi mund të largohet. Pesë muajt e ardhshëm do të jenë vendimtarë, sidomos për sa i përket Champions League. Nëse nuk e fiton ai mund të detyrohet të largohet. – u shpreh ndër të tjera legjenda e Barcelonës. /Elio Hajdari-Sport Ekspres/