Liridon Latifi në Hungari, te Pushkash, ekip i panjohur në Shqipëri. Si ka mundësi?
Gjithçka e ka shpjeguar edhe vetë ylli i Skënderbeut, në një lidhje direkte në “Zona Gol” në Supersport.
“Zgjodha Pushkash sepse dua t’i hedh hapat e karrierës një nga një. Nuk doja të rrezikoja duke zgjedhur një ekip të madh, pasi mund të ishte e vështirë për të gjetur hapësirat e duhura. Pra, vura anën sportive, para asaj ekonomike apo prestigjit”, deklaroi Latifi.
Tani talenti i kombëtares kërkon të largohet duke e lënë Skënderbeun në grupet e Europa League: “E ardhmja ime është e qartë tashmë, por unë dhashë maksimumin në Zagreb dhe jam gati të jap gjithçka nga vetja, për të ndihmuar Skënderbeun, të kualifikohet për në fazën e grupeve”.