Mbrojtësi i Bajernit nga Austria, Alaba është lojtari më i ri i Realit të Madridit. Pas 11 viteve të suksesshme në Gjermani, 28 vjeçari do të luajë në La Liga vitin e ardhshëm. Gazeta gjermane “Sky” raporton se David Alaba ka firmosur një kontratë 5 vjeçare me një pagë prej 13 milionë euro në sezon.
Reali i Madridit ka konfirmuar se Alaba do të bëhet pjesë e ekipit pas përfundimit të Euro 2020. Karriera e mbrojtësit austriak ishte mjaft e arrirë, pasi në 11 vite me Bajernin ka fituar 27 trofe, ku 2 prej tyre janë Uefa Champions League./Elio Hajdari-Sport Ekspres/