Largimi i Messit tek PSG ka lënë skuadrën e Barcelonës pa një lider në fushë. Griezmann nuk ka treguar që mund të bëjë diferencën në fushë, pavarësisht talentit të madh që zotëron. Pas largimit të argjentinasit, e gjithë vëmendja e tifozëve katalanas është përqendruar tek 18 vjeçari Pedri, i cili është kthyer në yllin e skuadrës.
Sipas gazetës spanjolle “SER” fanella më e shitur tek Barcelona që nga largimi i Messit është ajo e mesfushorit, Pedri Gonzales. 18 vjeçari zhvilloi 70 ndeshje në total brenda 11 muajve, duke perfshirë Euro 2020 dhe Lojërat Olimpike. /Elio Hajdari-Sport Ekspres/