Arsenal për momentin po kalon një periudhë mjaft të mirë dhe ecuria e “topçinjve” është impresionuese. Të besuarit e Unai Emeri fundjavën që lamë pas, morën fitoren e shtatë radhazi në të gjithë kompeticionet.
Në sfidën e fundjavës ndaj Uotford, ku Arsenal triumfoi 2-0, në fundin e pjesës së parë u dëmtua portieri Petr Çeh. Gardiani i portës së londinezve u detyrua t’i linte vendin gjermanit Leno, i cili këtë verë u ble nga Bajer Leverkusen.
Vetëm pak momente më parë mediat angleze, kanë konfirmuar shkallën e dëmtimit të çekut dhe periudhën që ai do të qëndrojë jasht fushave. Sipas mediave portieri i Arsenal do t’i duhet diçka më shumë se një muaj për të rikuperuar dëmtimin e pësuar ndaj Uotford.